“Эн Эйч Кэй” телевизийн дэлгэцнээс шахагдан, үзэгч олонд хүрэхээ болиод байгаа мэргэжлийн сүмогийн долдугаар сарын тэмцээний дөрөв дэх өдрийн барилдаан боллоо.
Өчигдөр их аварга Асашёорюүгийн 35 дараалан ялсан амжилтыг давтсан ёкозүна Хакүхо өнөөдөр Оросын Араныг ёрикири мэхээр ялж, сүмогийн түүхэнд дөрөвт бичигдэх дээд амжилт тогтоолоо. Түүний өмнө Фүтабаяма, Чиёнофүжи, Тайхо нарын домогт аваргууд байна. Хэрэв Хакүхо унахгүй ялаад байвал дараалсан ялалтын тоогоороо тэмцээний 13 дахь өдөр Тайхог гүйцэж түрүүлэх юм.
Арслан цол хүртэн олны анхаарлын төвд байсан Барүто хоёр унаатай бол манай арслан Харүмафүжи гурав өвдөг шороодож, Хакүхотой өрсөлдөх бөх Болгарын Котоошюүгээс өөр алга. Манай бөхчүүд энэ тэмцээнд Хакүба 0-4, Асасэкирюү 0-4, Кёкүтэнхо 3-1, Токитэнкү 3-1, Какүрюү 4-0, Токисэгава 2-2, Мооконами 3-1, Тамаваши 1-3, Шёотэнро 1-3 амжилттай барилдаж байгаа бол жюүрёод Коорюү, Хошиказэ нар тус бүр хоёр даваатай явж байна.
ДАРААЛСАН ЯЛАЛТЫН ДЭЭД АМЖИЛТУУД
1. Фүтабаяма- 69
2. Чиёонофүжи- 53
3. Тайхо – 45
4. Хакүхо – 36
5. Асашёорюү- 35
6. Хагүрояма- 32
7. Китаноүми- 32
8. Таканохана- 30
Уншигчдын сэтгэгдэл
СЭТГЭГДЭЛ БИЧИХ
АНХААР: Уншигчдын бичсэн сэтгэгдэлд mongolnews.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.