Quiza:Хөндөж байгаа сэдэв маань С.ЖАВХЛАН бид хоёрыг нэгтгэсэн

Хэдэн жилийн өмнө “Монголын үнэртэй салхи” гэдэг дуу хийдэг цаг өнгөрсөн шүү” хэмээн “Пентатоник” наадмын тайзнаас ширүүхэн хэлж байсан дуучин Quiza буюу Б.Батцэнгэл гавьяат жүжигчин С.Жавхлантай хамтран уран бүтээл туурвижээ. Түүний шинэ уран бүтээлийн тухай лавлахаар 9901-тэй дугаарт утас цохилоо.

-“Утасны анд” байна. Та яг одоо хаагуур явна вэ?

-Энэ онд Ардчилсан залуучуудын холбооны 10 жилийн ой тохиож буй. Ойн арга хэмжээний хүрээнд “Асуудал шийд лийн аян” зохион байгуулж байгаа юм. Тэр арга хэмжээнд оролцохоор явж байна.

-Аяны талаар сонирхох гэж байгаа хэрэг үү?

-Би Ардчилсан залуучуудын холбооны удирдах зөвлөлийн гишүүн л дээ.

-Таныг дуучин С.Жавхлантай хамт ран уран бүтээл хийсэн гэж сонслоо. Та саяхан л нийтийн дууны уран бүтээл чидтэй таарамж муутай байсан санагдана. Яагаад энэ үзэл бодлоо гэнэт өөрчилчихөв өө?

-Таарамж муутай байсан үе бий. Гэхдээ энэ удаа биднийг хөндөж байгаа сэдэв маань нэгтгэж байгаа. -Ямар утга санаатай уран бүтээл вэ? -Байгаль орчноо хамгаалъя гэсэн утга санаатай. Нэг ёсондоо залуусыг уриа лах зорилготой юм. Энэ санаа бид нийг нэгтгэсэн. Юм бүхэн л хувь сан өөрчлөгддөг шүү дээ. Тэгэхээр миний үзэл бодол өөрчлөгдөхийг үгүйсгэх аргагүй биз дээ. Дууны үгийг нь би зохиож, дуучин С.Жавхлан, “Хар сарнай” хамтлагийн Амараа нартай хамтран дуулсан.

-Нийтийн дууг хип хоптой хослуулж байгаа анхны тохиолдол уу?

-Баттай хэлж мэдэхгүй ч анхных гэж бодож байна.

-Нийтийн дууг хип хоп уран бүтээлтэй хослуулна гэхээр санаанд нэг л бууж өгөхгүй юм.

-Этник дуу гэсэн үг л дээ. Ардын дууг орчин үеийн хөгжмийн урсгалтай хол босон төрөл байдаг юм.

-Шинэ уран бүтээл тань хэдийнээс сонсогчдын хүртээл болох вэ?

-Телевизүүдээр цацагдаад эхэлчихсэн. Ирэх долоо хоногоос FM-үүдээр цацагдах байх. Бас дүрсжүүлж үзэгчдийн хүртээл болгох санаа бий. Түүнчлэн “Хөх тэнгэр” гэх шинэ дуу гаргаж байгаа. Тун удахгүй бэлэн болно.

О.Ундармаа